मुकुटबन येथे भव्य पदयात्रा

विदर्भ वार्ता | प्रतिनिधी 

वणी: सोमवारी दिनांक 11 नोव्हेंबर रोजी अपक्ष उमेदवार संजय खाडे यांचा मुकुटबन परिसरात प्रचार दौरा झाला. मुकुटबन, अडेगाव, वेळद, खडकी, खातेरा, येडशी या गावात प्रचार ताफा पोहोचला. मुकुटबन येथील रॅलीला हजारो लोकांनी सहभाग घेत संजय खाडे यांना पाठिंबा दर्शवला. यावेळी विश्वास नांदेकर व नरेंद्र ठाकरे यांची प्रमुख उपस्थिती होती. दरम्यान आदर्श ज्येष्ठ नागरिक मंडळ, चिखलगाव यांनी संजय खाडे यांना पाठिंबा जाहीर केला. यावेळी सुधाकर गारगाटे, रमेश सुंकुरवार, दिगंबर गौरकर, अशोक झाडे यांची प्रमुख उपस्थिती होती. कार्यक्रमाला प्रमोद वासेकर वासुदेवराव विधाते, तेजराज बोढे, अशोकराव चिकटे, राजू अंकितवार यांची प्रमुख उपस्थिती होती.

आज दिनांक 12 नोव्हेंबर रोजी मुकुटबन येथून प्रचाराला सुरुवात झाली. मुकुटबन येथील रहिवाशांनी वाजत गाजत संजय खाडे यांचे स्वागत केले. मुकुटबन येथे वाजत गाजत भव्य पदयात्रा काढण्यात आली. यावेळी शिट्टीच्या आवाजाने संपूर्ण मुकुटबन दणाणून गेले. रॅलीत मोठ्या प्रमाणात मुस्लिम मतदारांचा समावेश होता. त्यानंतर कॉर्नर सभा झाली. यावेळी माजी आमदार विश्वास नांदेरकर यांनी विरोधकांचा चांगलाच समाचार घेतला. त्यानंतर प्रचार ताफा अडेगाव, वेळद, खडकी, खातेरा, येडशी या गावात पोहोचला.