विदर्भ वार्ता|प्रतिनिधी
वणी : धनोजे कुणबी समाज संस्था वणी यांच्या वतीने धनोजे कुणबी समाज भवन येथे दि. १५ व १६ जानेवारी २०२६ रोजी सद्गुरु जगन्नाथ महाराज मूर्ती प्रतिस्थापना दिवस मोठ्या उत्साहात व भक्तीमय वातावरणात साजरा करण्यात आला.
दि. १५ जानेवारी रोजी सायंकाळी सामुदायिक प्रार्थना व वारकरी भजनाच्या माध्यमातून कार्यक्रमाची सुरुवात झाली. दि. १६ जानेवारी रोजी सकाळी सद्गुरु जगन्नाथ महाराज मूर्तीचे विधिवत पूजन व अभिषेक करण्यात आला. त्यानंतर शेतकरी नगर येथून सद्गुरुंची पालखी काढण्यात आली.
कार्यक्रमात अशोक गौरकर सर (पांढरकवडा) यांनी संत साहित्याविषयी सखोल माहिती आपल्या प्रवचनातून विशद केली. यावेळी समाजातील ज्येष्ठ नेते व माजी अध्यक्ष अखिल भारतीय धनोजे कुणबी समाज संस्था महेश पावडे पाटील यांचा सपत्नीक सत्कार करण्यात आला. तसेच वसंत जिनींग अॅण्ड प्रेसिंग फॅक्ट्री वणीचे नवनियुक्त अध्यक्ष प्रमोद भाऊ वासेकर यांचाही गौरव करण्यात आला.
मंचावर धनोजे कुणबी समाज संस्था वणीचे अध्यक्ष मंगेश रासेकर, कार्यक्रमाचे अध्यक्ष वणी विधानसभा आमदार संजय भाऊ देरकर, उद्घाटक रुपालीताई सुनील कातकडे (सरपंच, ग्रामपंचायत चिखलगाव), विशेष अतिथी संजय भाऊ खाडे (संचालक, पणन महासंघ मुंबई), प्रमुख अतिथी किरणताई देरकर (अध्यक्ष, एकविरा महिला पतसंस्था मारेगाव) व संगीताताई खाडे (अध्यक्ष, धनोजे कुणबी महिला विकास संस्था वणी) उपस्थित होते.
यावेळी समाजातील उत्कृष्ट सरपंच म्हणून डिमनताई टोंगे (वनोजा-देवी) व गीता महेश पावडे (सरपंच, सुकनेगाव) तसेच समाजसेविका स्मिताताई नांदेकर यांचा सत्कार करण्यात आला. कार्यक्रमाचे बहारदार संचालन रुद्रापाटील कुचनकर यांनी केले. प्रास्ताविक संस्थेचे सचिव अंबादास वागदरकर यांनी तर आभार प्रदर्शन नितीन मोवाडे सर यांनी केले.
सत्कारानंतर काल्याचे कीर्तन, दहीहंडी फोडून महाप्रसादाचे आयोजन करण्यात आले. त्यानंतर विविध भागातून आलेल्या भजन मंडळांच्या स्पर्धा पार पडल्या. सायंकाळी ७ वाजता विठ्ठल-रुक्मिणी हरिपाठ मंडळाच्या वतीने सादर करण्यात आलेल्या सुंदर हरिपाठाने उपस्थितांची मने जिंकली.
कार्यक्रमाच्या यशस्वीतेसाठी संस्थेचे प्रमुख मार्गदर्शक अभय पानघाटे, नामदेवराव जेणेकर, भास्करराव सोमलकर, रामराव गोहोकर, कवडू नागपूरे, प्रभाकर गौरकर, नरेंद्र मिलमीले, एकरे सर, दिगंबर गोहोकर, बाळासाहेब राजूरकर, जयप्रकाश राजूरकर, किशोर मिलमीले, तेजे पाटील, सीमाताई देवाळकर, शारदाताई गोहोकर, रेखाताई उपरे आदींसह परिसरातील भाविक मोठ्या संख्येने उपस्थित होते.
