विदर्भवार्ता|प्रतिनिधी
वणी : युवा सामाजिक कार्यकर्ते धीरज भोयर यांची भारतीय जनता पार्टी युवा मोर्चा (भाजयुमो) जिल्हा कार्यकारिणीत जिल्हा उपाध्यक्ष पदावर निवड करण्यात आली आहे. ही निवड भाजयुमोचे जिल्हाध्यक्ष Suraj Gupta यांनी जाहीर केली. युवकांना संधी देणारा पक्ष म्हणून ओळख असलेल्या Bharatiya Janata Party मध्ये सतत नव्या नेतृत्वाला वाव दिला जात असल्याचे या निवडीमुळे पुन्हा एकदा स्पष्ट झाले आहे.
भारतीय जनता पक्ष हा “पार्टी विथ डिफरन्स” म्हणून ओळखला जातो. सामाजिक व राजकीय क्षेत्रात कार्य करणाऱ्या तरुणांना संधी देऊन त्यांना नेतृत्वाच्या मुख्य प्रवाहात आणण्याची परंपरा पक्षाने जपली आहे. त्याचाच भाग म्हणून वणी परिसरातील युवा सामाजिक कार्यकर्ते धीरज भोयर यांच्या कार्याची दखल घेत त्यांची जिल्हा कार्यकारिणीत उपाध्यक्षपदी निवड करण्यात आली आहे.
धीरज भोयर हे मागील अनेक वर्षांपासून सामाजिक क्षेत्रात सक्रिय आहेत. त्यांनी युवकांना एकत्रित करून विविध सामाजिक उपक्रम राबवले आहेत. नाम फाउंडेशनचे समन्वयक म्हणून काम करताना त्यांनी ग्रामीण भागातील जनतेसाठी मदतकार्य केले. तसेच परिसरातील दारूबंदीi आंदोलन, रक्तदान शिबिरे, आरोग्य तपासणी शिबिरे, बेरोजगार मेळावे, कोरोना काळातील मदतकार्य, शिक्षण जनजागृती यात्रा, सामाजिक जनजागृती कार्यक्रम अशा विविध उपक्रमांद्वारे त्यांनी समाजात सक्रिय भूमिका बजावली आहे. त्यांच्या या सातत्यपूर्ण सामाजिक कार्याची दखल घेऊन त्यांना ही जबाबदारी देण्यात आली आहे.
धीरज भोयर यांनी हिंदू संस्कृती, राष्ट्रवाद आणि विकासाभिमुख विचारधारा यावर विश्वास ठेवत Bharatiya Janata Party मध्ये प्रवेश केला असून राष्ट्रनिर्मितीच्या कार्यात सक्रियu सहभाग देण्याचा निर्धार व्यक्त केला आहे.
आपल्या निवडीबाबत प्रतिक्रिया देताना धीरज भोयर म्हणाले की, “माझी नियुक्ती ही सर्वसामान्य कुटुंबातील एका युवकाला दिलेली संधी आहे. पक्ष नेतृत्वाने माझ्यावर जो विश्वास दाखवला आहे, त्या विश्वासाला न्याय देण्यासाठी मी शंभर टक्के प्रयत्न करणार आहे. पुढील काळात पक्ष संघटन मजबूत करणे, युवकांना पक्षाशी जोडणे आणि जनसामान्यांच्या हितासाठी कार्य करणे हेच माझे ध्येय राहील.”
या निवडीबद्दल धीरज भोयर यांनी भाजयुमोचे जिल्हाध्यक्ष Suraj Gupta, भाजपचे जिल्हाध्यक्ष Prafull Chavan तसेच वणी विधानसभेचे माजी आमदार Sanjeev Reddy Bodakurwar यांचे मनःपूर्वक आभार मानले. तसेच भारतीय जनता पार्टी व भाजयुमोचे सर्व पदाधिकारी व कार्यकर्ते, आपल्या परिवारातील सदस्य, नातेवाईक आणि मित्रपरिवार यांनी दिलेल्या सततच्या पाठिंबा व प्रोत्साहनाबद्दलही त्यांनी कृतज्ञता व्यक्त केली.
धीरज भोयर यांच्या या निवडीबद्दल वणी परिसरातील भाजप व भाजयुमो पदाधिकारी, कार्यकर्ते तसेच मित्रपरिवाराकडून त्यांच्यावर अभिनंदनाचा वर्षाव होत आहे.
