विदर्भ वार्ता । प्रतिनिधी
वणी : शहरातील नामांकित शैक्षणिक संस्था वणी पब्लिक स्कूल अँड ज्युनिअर कॉलेज, वणी येथे नवीन शैक्षणिक वर्षाच्या पार्श्वभूमीवर विविध विषयांच्या शिक्षक व शिक्षकेत्तर पदांसाठी भरती प्रक्रिया जाहीर करण्यात आली आहे. अनुभवी, पात्र आणि इंग्रजी माध्यमात अध्यापन करण्याची क्षमता असलेल्या उमेदवारांकडून अर्ज मागविण्यात आले आहेत.
संस्थेकडून प्रसिद्ध करण्यात आलेल्या जाहिरातीनुसार प्री-प्रायमरी शिक्षक (नर्सरी ते केजी-२), इंग्रजी, हिंदी, सामाजिक शास्त्र (SST), ड्रॉईंग/आर्ट अँड क्राफ्ट, कॉम्प्युटर तसेच गणित विषयांसाठी शिक्षकांची आवश्यकता आहे. संबंधित विषयातील पदवी किंवा पदव्युत्तर शिक्षणासोबत बी.एड., मॉन्टेसरी ट्रेनिंग, ड्रॉईंग डिप्लोमा किंवा एम.एस्सी.-कॉम्प्युटर/एमसीए अशी आवश्यक पात्रता नमूद करण्यात आली आहे.
इच्छुक उमेदवारांनी स्वतः अर्ज लिहून सर्व शैक्षणिक प्रमाणपत्रे व आवश्यक कागदपत्रांसह दिनांक २० मे २०२६, बुधवार रोजी सकाळी ११:३० वाजता शाळेच्या एमआयडीसी परिसरातील कार्यालयात प्रत्यक्ष मुलाखतीस उपस्थित राहावे, असे आवाहन संस्थेच्या सचिवांकडून करण्यात आले आहे.
