विदर्भ वार्ता । प्रतिनिधी
घुग्घुस : २५ ऑगस्ट २०२६. ओबीसी कोल वेलफेअर असोसिएशन, वणी क्षेत्रीय कार्यालय, घुग्घुस येथे आज माननीय स्व. श्री. बी. पी. मंडल यांच्या जयंतीनिमित्त श्रद्धापूर्वक व उत्साहपूर्ण वातावरणात कार्यक्रम आयोजित करण्यात आला.
यावेळी स्व. श्री. बी. पी. मंडल यांच्या प्रतिमेस पुष्पहार अर्पण करून विनम्र अभिवादन व नमन करण्यात आले. उपस्थित पदाधिकारी व कार्यकर्त्यांनी सामाजिक न्याय, मागासवर्गीयांच्या हक्कांसाठी तसेच समान संधीसाठी त्यांनी दिलेल्या महत्वपूर्ण योगदानाचे स्मरण केले.
स्व. बी. पी. मंडल यांचे योगदान
स्व. बी. पी. मंडल यांनी सामाजिक व शैक्षणिकदृष्ट्या मागासलेल्या वर्गांना योग्य हक्क व प्रतिनिधित्व मिळवून देण्यासाठी महत्वपूर्ण भूमिका बजावली. त्यांच्या अध्यक्षतेखाली मंडल आयोगाने मागासवर्गीयांची सामाजिक, शैक्षणिक व आर्थिक परिस्थितीचा अभ्यास करून त्यांना मुख्य प्रवाहात आणण्यासाठी महत्वपूर्ण शिफारशी केल्या.
त्यांचे विचार, संघर्ष आणि सामाजिक न्यायासाठीचे योगदान आजही समानता, हक्क व सामाजिक परिवर्तनाच्या दिशेने प्रेरणादायी आहे.
श्री. प्रफुल माकोडे यांना सचिव पदाचा कार्यभार
या विशेष प्रसंगी घुग्घुस उपक्षेत्राच्या सचिवपदाची जबाबदारी श्री. प्रफुल माकोडे यांच्यावर सोपविण्यात आली. नवनियुक्त सचिव म्हणून त्यांना पदभार प्रदान करण्यात आला.
संगठनाचे कार्य अधिक प्रभावीपणे पुढे नेण्यासाठी तसेच कामगार व ओबीसी समाजाच्या हितासाठी सक्रियपणे कार्य करण्याची अपेक्षा यावेळी व्यक्त करण्यात आली.
कार्यक्रमास उपस्थित पदाधिकारी
श्री. संकेत खोकले – क्षेत्रीय अध्यक्ष
श्री. श्रीकांत सावे – क्षेत्रीय महामंत्री
श्री. तुळशीदास ढवस – क्षेत्रीय उपाध्यक्ष
श्री. सुधाकर आसुरकर
श्री. सुधीर पिंपळकर – मुगोली उपक्षेत्र अध्यक्ष
श्री. अनूप कोंगरे – मुगोली उपक्षेत्र सचिव
श्री. गणेश खुटेमाटे – पैनगंगा उपक्षेत्र सचिव
श्री. प्रफुल माकोडे – घुग्घुस उपक्षेत्र अध्यक्ष
श्री. अक्षय कौरासे – नीलजाय उपक्षेत्र अध्यक्ष
श्री. प्रमोद भोस्कर – क्षेत्रीय सुरक्षा समिती सदस्य
यांच्यासह संघटनेचे पदाधिकारी व कार्यकर्ते मोठ्या संख्येने उपस्थित होते.
कार्यक्रमाच्या माध्यमातून सर्व पदाधिकारी व कार्यकर्त्यांनी स्व. श्री. बी. पी. मंडल यांच्या विचारांचे व सामाजिक न्यायासाठीच्या योगदानाचे स्मरण करून त्यांच्या आदर्शांवर चालण्याचा तसेच ओबीसी समाज व कामगारांच्या हक्कांसाठी एकजुटीने कार्य करण्याचा संकल्प केला.
जय ओबीसी | जय सामाजिक न्याय
ओबीसी कोल वेलफेअर असोसिएशन
वणी क्षेत्र
